[memo402]

Ağ rəngli iPhone 4

Apple şirkəti naməlum səbəblərə görə yeni iPhone 4 smartfonunun ağ variantının buraxılışını dəfələrlə təxirə salmışdır. Bundan başqa, təxminən bir həftə əvvəl istehsalçı qeyd etmişdir ki, yeni smartfonun ağ rəngli variantı çox güman ki, bu il çıxmayacaq. Ancaq xoşbəxtlikdən indi ağ rəngli bu modelin bazara çıxmamasının əsas səbəbləri və problemləri məlum olmuşdur.

iPhone 4 modelinin ağ rəngli variantının buraxılmasının ləngimə səbəbi rəng qatının optimal qalınlığının müəyyən edilmə çətinliyi olmuşdur, ən böyük çətinlik smartfonun korpusunun ön panelində rəngin qalınlığının təyin edilməsi olmuşdur. Məsələ ondadır ki, rəng siqnal qəbuledicisinin işini zəiflətməməli və rənglənmədən sonra maye-kristal paneldə heç bir qüsur buraxmamalıdır.

Beləliklə, əgər problemlər həll edilirsə, deməli, Apple şirkəti tezliklə bazara çoxdan gözlənilən ağ rəngli iPhone 4 modelini çıxaracaqdır.